ගොවි ජනතාව බැංකුවලින් ලබාගෙන ණය ජාතික ජන බලවේග ආණ්ඩුවක් යටතේ යම් ප්‍රමාණයකින් කපා හැරීමකට ලක් කරන බව ජාතික ජන බලවේග නායක මන්ත්‍රී අනුර කුමාර දිසානායක මහතා සඳහන් කරයි.
මාලිමා ආණ්ඩුවක් යටතේ ගොවිතැනට අවශ්‍ය තෙල් හා පොහොරවල මිල අඩු කරමින් අස්වැන්නට සාධාරණ මිලක් ලබාදීමටත් දැනටමත් සැලසුම් සකස් කර අවසන් බවද ඔහු පැවසීය.
අද වී විකුණා දුකට අඩියක් ගසා ගසා එන ගොවියා ජාතික ජන බලවේග ආණ්ඩුවක් යටතේ කමතේදිම අසවැන්න විකුණා සතුටට අඩියක් ගසා ගෙදර එනු ඇති බවද ඔහු කියා සිටියේය.
ඔහු මේ බව ප්‍රකාශ කර සිටියේ ජනාධිපතිවරණය ඉලක්ක කරගත් මැතිවරණ රැළියක් අමතමිනි.