රාමසාන් උපවාස සමයේ සියලුම ආගමික වතාවත් සඳහා අවස්ථා සලසා දී ඇති බැවින් නිරෝධායන කටයුතු සඳහා එක්වන ලෙස කොරෝනා ආසාදිතයන් බවට සැක කරන සැඟවී සිටින මුස්ලිම් ප්‍රජාවගෙන් ඉල්ලා සිටින බව යුද හමුදාපති ලුතිනන් ජෙනරාල් ශවේන්ද්‍ර සිල්වා පැවසීය.
ලබන 25 දා සිට රාමසාන් උපවාස සමය පටන් ගැනෙන අතර නිරෝධායන මධ්‍යස්ථානවලදී තමන්ට උපවාස කිරීමට නොහැකි වේ යැයි බියෙන් ඇතැමුන් නොපැමිණෙන බව බුද්ධි අංශ වෙත තොරතුරු ලැබී තිබිණි.
කොරෝනා ආසාදනය වී ඇති බවට සැක කරන සැඟ වී සිටින මුස්ලිම් ජාතිකයන් හතළිස් නවදෙනකු පැය 24ක් තුළ සොයාගෙන නිරෝධායන මධ්‍යස්ථාන වෙත යොමු කරන්නැයි වැඩබලන පොලිස්පතිවරයා රහස් බුද්ධි සේවාවේ වාර්තාවක් පළාත් භාර ජ්‍යෙෂ්ඨ නියෝජ්‍ය පොලිස්පතිවරුන්ට යොමුකර තිබුණේ මෙම සතියේදීය.
Aruna