කිලිනොච්චිය, ඉරණමඩු ගුවන් හමුදා කඳවුරු නිරෝධායන මධ්‍යස්ථානයේදී නිරෝධායනය ලද නාවික හමුදා සාමාජිකයින් 70 දෙනෙකු සාර්ථකව නිරෝධායනය අවසන් කර අද(06) පිටත්වු බව කිලිනොච්චිය, ඉරණමඩු ගුවන් හමුදා කඳවුරේ අණදෙන නිලධාරී ගෘප් කපිතාන් රොහාන් පතිරණ මහතා පවසයි.
පතිරණ මහතා පැවසුවේ වැලිසර නාවික කඳවුරේ සිට ගුවන් හමුදා කදවුරු නිරෝධායන මධ්‍යස්ථානය වෙත පැමිණ දින 21 ක කාලයක් සාර්ථකව නිරෝධායනය අවසන් කොට අදාළ කණ්ඩායම පිටත්ව ගිය බවයි.
කොරෝනා වෛරසය පැතිරවීම වැළැක්වීම සඳහා රජය ගෙනයන වැඩපිළිවෙලට සහයෝගය දීම සඳහා ශ්‍රී ලංකා ගුවන් හමුදාවේ මැදිහත් වීම මත ගුවන් හමුදා කඳවුරු කිහිපයක නිරෝධායන මධ්‍යස්ථාන ස්ථාපිත කොට නිරෝධායනය සඳහා යොමුකළ බවත් එහිදී ඔවුන්ට සියළු පහසුකම් ලබාදුන් බවද හෙතෙම සඳහන් කළේය.