Colombo Today Local News

ඩොලරය ඉහළ දැමීම ට්‍රම්ප්ගේ වැඩක්… හැම රටකම මුදල් ඒකක කඩා වැටිලා…

ඩොලරයේ ඉහළ යාමට එක් හේතුවක් වන්නේ ඇමෙරිකානු ජනාධිපතිවරයා එරට ‍පොලී අනුපාතය ඉහළ දැමීම බව සම කැබිනට් ප්‍රකාශක අමාත්‍ය රාජිත සේනාරත්න මහතා ඊයේ (19) පැවැසීය.

කැබිනට් තීරණ දැනුම් දීමේ මාධ්‍ය හමුවේදී ඇමැතිවරයා මෙම අදහස් පැවැසීය.

ඇමෙරිකානු ජනාධිපති ට්‍රම්ප් හිතන විදිහ වෙනස්. මීට පෙර ඇමෙරිකාවේ හිටපු ජනාධිපතිවරු මෙවැනි දෙයක් කළේ නැහැ. අද වනවිට ඇමෙරිකානු ඩොලරය විදේශ රටවල තැන්පත් කරනවාට වඩා ඇමෙරිකාව තුළ තබාගැනීම ඵලදායී නිසා එම මුදල් අපේ වගේ රටවල්වලට පැමිණෙන්නේ නැහැ. මෙවැනි දෙයක් සිදුවූ විට ලෝකයේ අනිකුත් මුදල් කඩා වැටෙන බව රාජිත සේනාරත්න මහතා පැවැසීය.

ශ්‍රී ලංකා රුපියල පමණක් නොවෙයි, සිංගප්පූරු ඩොලරයත්, ස්ටර්ලින් පවුමත්, යුරෝ ඇතුළු ඉන්දියානු රුපියලත් අද වන විට බරපතළ ලෙස කඩා වැටී ඇති බව රාජිත සේනාරත්න මහතා පැවැසීය.

මීට විසඳුමක් ලෙස අයි.එම්.එෆ්. ආයතනය චීනයේ යුවාන් මුදල් ඒකකයෙන් ජාත්‍යන්තර මූල්‍ය ඒකකයක් ලෙස පිළිගැනීමට යෝජනා කර ඇති බවද සේනාරත්න මහතා වැඩිදුරටත් පැවැසීය.

Related posts

UPDATE මංගලාරාමය වටකර සහජීවනය පෙන්වූ අන්තවාදීන් විශේෂ කාර්ය බළකායෙන් පලවාහරී

colombotoday

‘කාඩිනල්’ සුදුසු බිම ඔපදැමීමට පමණයි

Admin

බිළිඳුන් විකිණූ ජාවාරම්කරුට ඇප

colombotoday

ශ්‍රී ලාංකිකයන්ට ඇමරිකාවේ රැකියා වරම් – ඉල්ලුම් කරන්නේ මෙහෙමයි

colombotoday

අසාද් සාලිට එරෙහිව පොලීසිය අධිකරණයට කරුණු වාර්තා කරයි

colombotoday

ශ්‍රී ලංකාවට ඉන්දියාවෙන් විදුලිය සම්ප්‍රේෂණ සැලැස්මක් ගැන ඉන්දීය මාධ්‍ය හෙළි කරයි

Admin