Colombo Today Local News

කිලිනොච්චිය දිස්ත්‍රික්කයේ සියලුම පාසල් වසා දමයි

කිලිනොච්චිය දිස්ත්‍රීක්කයෙන් කොවීඩ් 19 වෛරස ආසාදිතයකු වාර්තා වීමත් සමග කිලිනොච්චිය දිස්ත්‍රීක්කයේ පිහිටි සියලුම පාසල් අද (24)දිනයේ සිට වසා තැබීමට පියවර ගත් බවට උතුරු පලාත් අධ්‍යාපන අමාත්‍යංශ ලේකම් එල්.ඉලංකෝවන් මහතා නිවේදනය කර ඇත.

කිලිනොච්චිය නගරයේ වෙළඳසැලක සේවය කල 72 හැවිරිදි පුද්ගලයෙකු ඊයේ දින උණ ආසාදනයක් හේතුවෙන් කිලිනොච්චිය මහරෝහලට ඇතුලත් කිරීමෙන් පසුව සිදු කරන ලද පී.සී.ආර්. පරික්ෂණයකදී පුද්ගලයාට කොරෝනා ආසාදනය වී ඇති බවට තහවුරු වී ඇත.

අදාල ආසාදිතයා මේ වන විට වැලිකන්ද කොරෝනා විශේෂ ප්‍රතිකාර මධ්‍යස්ථානයට රැගෙන ගොස් ප්‍රතිකාර කරන බවටද කිලිනොච්චිය සෞඛ්‍ය නිලධාරී කාර්යාලය පවසා සිටියි.

මේ අනුව කොරෝනා ආසාදිතයෙකු වාර්තා වීමත් සමග කිලිනොච්චියේ අධ්‍යාපන බලධාරීන් විසින් උතුරු පලාත් අධ්‍යාපන අමාත්‍යංශයෙන් කරන ලද ඉල්ලීමකට අනුව මෙලෙස අද දිනයේදී කිලිනොච්චිය දිස්ත්‍රීක්කයේ පාසල් අද සිට සිකුරාදා (27)දින දක්වා වැසීමට තීරණය කොට ඇති බවටද උතුරු පලාත් අධ්‍යාපන අමාත්‍යංශය විසින් නිවේදනය කොට ඇත.

මේ අතර කිලිනොච්චිය දිස්ත්‍රීක්කයෙන් වාර්ථා වූ කොරෝනා ආසාදිතයාට කොරෝනා වැළඳුනු අයුරු පිළිබඳව මෙතෙක් හෙලි වී නොමැති අතරම ඒ පිළිබඳව පරික්ෂණයක් අරඹා ඇති බවටත් අදාල ආසාදිතයා අසුරු කල කිහිප දෙනෙකුද හඳුනාගෙන ඔවුන් නිරෝධායනය කිරීම හා පී.සී.ආර්. පරික්ෂණයන් වෙතට යොමු කොට ඇති බවටද කිලිනොච්චිය දිස්ත්‍රීක් සෞඛ්‍ය නිලධාරී කාර්යාලය විසින් වැඩිදුරටත් පැවසීය.

Related posts

ශ්‍රී ලංකා මහ බැංකු පරිශ්‍රයට පිරිසක් කඩා වදී

Admin

නාමල් – ලිමිනි විවාහය අද

colombotoday

නිවසේදී මියගිහින් රෝහලට රැගෙන ආ මළ සිරුරක් අතුරුදන්

colombotoday

පරණ හිතවත්කම් අළුත් කරමින් ගෝඨාභය දුමින්දගේ නිවසට !

colombotoday

රට දියුණු කිරීමටනම් විධායක ජනාධිපති ක්‍රමය රටට අවශ්‍යයි…

colombotoday

“පොහොට්ටුව කරපු වැඩේ සදාචාරසම්පන්න නෑ. පොහොට්ටුව එක්ක දැන් මොනවා සාකච්ඡා කරන්නද?” – දයාසිරි ජයසේකර

colombotoday