වර්තමාන ආණ්ඩු පක්ෂය ජාතිවාදී පක්ෂයක් බව සිතා සිටිය ද මුස්ලිම් හා දෙමළ ජනතාව වෙනුවෙන් පෙනී සිටින විට ප්‍රහාර එල්ල කරනු ලබන්නේ සජිත් ප්‍රේමදාස මැතිතුමාගේ පක්ෂය බවට සමගි ජන බලවේගයෙ ජාතික ලැයිස්තු අපේක්ෂක අසාත් සාලි චෝදනා කර සිටී.
වෛද්‍ය සාෆි වඳ සැත්කම් කළ බවට රතන හිමි සහ වෛද්‍ය චන්න ජයසුමන සිදුකළ චෝදනා ඔප්පු කරගත නොහැකි වූ නඩුවක් බවත් එම නඩුව වෙනුවෙන් පෙනී සිටින නීතීඥවරුන් කවුරු දැයි වර්තමාන අධිකරණ ඇමතිවරයාගෙන් පාර්ලිමේන්තුව තුළදී සජිත්ගෙ පිල ප්‍රශ්න කරන බවත් එය අධිකරණ ඇමතිගෙන් අසන ප්‍රශ්නයක් නොවන බවත් හෙතෙම පවසයි.
විපක්ෂයට ප්‍රශ්නයක් වී ඇති පාර්ලිමේන්තුවට අඳින ඇඳුම කිසි වැදගතකමක් නැති බවත් ජාතික ඇඳුම ගැන වත් නොදන්නා අය පාර්ලිමේන්තුවට අඳින ඇඳුම ගැන අල්ලාගෙන ගසන බවත් ඔහු පවසයි.
ඩී එස් සේනානායක ජාතියේ පියාගේ විපක්ෂයට තවමත් ජාතික ලයිස්තු මන්ත්‍රී ධූරයේ පුරප්පාඩුවවත් පුරවා ගන්නට නොහැකි වී ඇති බවත් ඔහු වැඩිදුරටත් සඳහන් කර සිටී.