මීගමුව බන්ධනාගාරයට නීති විරෝධී ද්‍රව්‍ය ගෙනයාමට අවසර ලබාදීමේ චෝදනාව මත අත්අඩංගුවට ගත් ජේලර් කාලිංග කළුඅග්ගල මෙම මස 29 වන දින දක්වා රක්ෂිත බන්ධනාගාරගත කිරීමට මීගමුව මහේස්ත්‍රාත් අධිකරණය විසින් නියෝග කර තිබේ.
මීගමුව බන්ධනාගාරයේ හිටපු බන්ධනාගාර අධිකාරිවරයා ඇතුළු බන්ධනාගාර නිලධාරීන් සිව්දෙනෙකු වහාම අත්අඩංගුවට ගෙන අධිකරණයට ඉදිරිපත් කරන ලෙස මීගමුව අධිකරණයෙන් පසුගිය දා අපරාධ පරික්ෂණ දෙපාර්තමේන්තුවට නියෝග කර තිබුණි.
ඒ අනුව ජේලර් කාලිංග කළුඅග්ගල ඊයේ (24)දින පස්වරුවේ අපරාධ පරීක්ෂණ දෙපාර්තමේන්තුවට භාර වී තිබුණි.
අපරාධ පරීක්ෂණ දෙපාර්තමේන්තුව විසින් සිදුකළ ප්‍රශ්නකිරීම්වලින් පසු ඔහු මීගමුව මහේස්ත්‍රාත් අධිකරණයට අද ඉදිරිපත් කළ අතර ඒ අනුව ඔහු රක්ෂිත බන්ධනාගාරගත කිරීමට මීගමුව වැඩබලන මහේස්ත්‍රාත්වරයා නියෝග කර ඇත.