රිමාන්ඩ් බන්ධනාගාරයේ පසුවන පාර්ලිමේන්තු මන්ත්‍රී රන්ජන් රාමනායක මහතාට මැගසින් බන්ධනාගාර නිලධාරීන් අවවාද කර ඇතැයි එම බන්ධනාගාර ආරංචි මාර්ග කියයි.
බන්ධනාගාරය තුළදී ඒ ආඥාපනතට අනුව හැසිරීමටත් නිලධාරීන් සමඟ කටයුතු කිරීමේදී එහි ක්‍රමවේදයන් අනුගමනය කරන ලෙස ඔහුට අවවාද කර ඇතැයි ද දැනගන්නට ඇත.
මන්ත්‍රීවරයාගේ සුව දුක් විමසීම සඳහා ඊයේ ( 18) එහි ගිය පිරිසක් ඇද ඇතිරිලි දෙකක් එකට එක් කර සකස් කරන ලද මෙට්ටයක් වැනි උපකරණයක් ලබා දීමට තැත් කළද එය නිලධාරීන් විසින් වළක්වා ඇතැයිද කියති.
ඒ අනුව ඔවුහු ඒවා නැවත රැගෙන විත් තිබේ. මන්ත්‍රීවරයා මේ වන විට මැගසීන් බන්ධනාගාරයේ ‘ජී‘ වාට්ටුවේ රඳවා සිටි.
එළැඹෙන 29 වැනි දින ඔහු යළි අධිකරණයට ඉදිරිපත් කිරීමට නියමිතය.