රජයේ රස පරීක්ෂක දෙපාර්තමේන්තු රසායනාගාරයේ සේවය කරනු ලබන පුද්ගලයෙක් හෙරොයින් සමග අතුරුගිරියේ දී අත්අඩංගුවට ගෙන තිබේ.
සැකකරුව අත්අඩංගුවට ගත් අවස්ථාවේ දී ඔහු සතුව හෙරොයින් ග්‍රෑම් 18යි මිලිග්‍රෑම් 730ක් තිබූ බව පොලීසිය පවසයි.
ඊයේ (16)දින සවස 5.30ට පමණ මොරටුවාහේන ප්‍රදේශයේ දී අතුරුගිරිය පොලිස් ස්ථානයට ලද තොරතුරක් මත මෙම සැක සහිත යතුරුපැදිය පරීක්ෂා කර තිබේ.
අත්අඩංගුවට ගත් සැකකරු වයස අවුරුදු 28ක් වු රජයේ රස පරීක්ෂක දෙපාර්තමේන්තුවේ, රසායනාගාර පිළියල කරන්නෙකු ලෙස සේවය කරන මාතර ප්‍රදේශයේ පදිංචිකරුවෙකි.
සැකකරු අද (17) දින කඩුවෙල මහෙස්ත්‍රාත් අධිකරණයට ඉදිරිපත් කිරීමට නියමිතය.