මීගොඩ පානළුව සම්පත් මාවත ප්‍රදේශයේ දී හෙරොයින් ග්‍රෑම් 05ක් සමග සැකකරුවෙකු අත්අඩංගුවට ගෙන තිබේ.
මීගොඩ පොලිසිය ඊයේ (13)දින පස්වරුවේ සිදුකළ වැටලීමක දී ඔහුගේ නිවසේ දී සැකකරු අත්අඩංගුවට ගෙන ඇත.
අත්අඩංගුවට ගත් සැකකරු මත්ද්‍රව්‍ය භාවිතයට ඇබ්බැහි වු 38 හැවිරිදි අයෙකු බව පොලීසිය සඳහන් කරයි.
ඔහු මැගසින් බන්ධනාගාර ගතව සිටින “සම්පත්” නැමැත්තාට අයත් මත්කුඩු බෙදාහරින්නෙකු බව වාර්තා වේ.
සැකකරු අද (14)දින හෝමාගම මහෙස්ත්‍රාත් අධිකරණයට ඉදිරිපත් කිරිමට නියමිතය.
මේ අතර බොරැල්ල මැගසින් මාර්ගයේ දී හෙරොයින් ග්‍රෑම් 02 මිලිග්‍රෑම් 270ක් සමග 51 හැවිරිදි සැකකරුවෙකු බොරැල්ල ප්‍රදේශයේ දී අත්අඩංගුවට ගෙන තිබේ.