මාවනැල්ල ප්‍රදේශයේ පසුගිය දිනවල සිදුවූ බුද්ධ ප්‍රථිමා විනාශ කිරීම පිළිබදව අමාත්‍ය කබීර් හෂීම් මහතා සිය ෆේස්බුක් ගිණුම ඔස්සේ සිය කණගාටුව පලකර තිබෙනවා.
ඊට සම්බන්ධ පුද්ගලයන්ට වහාම නීතිය ක්‍රියාත්මක කරන්නැයි තමන් පොලිසියට උපදෙස් දුන් බවද ඇමතිවරයා සදහන් කර තිබෙනවා.
ඊයේ 26 දින අළුයමද මාවනැල්ල, දියලුවත්ත ප්‍රදේශයේදීද තවත් බුද්ධ ප්‍රථිමාවක් කඩා දමමින් සිටි මුස්ලිම් ජාතිකයෙක් අතටම අල්ලාගැනීමෙන් පසුව ඇමතිවරයා මෙම ප්‍රකාශ නිකුත්කර තිබීමද විශේෂත්වයකි.
ඉකුත් දිනවලදී ඇතිවූ මෙම බුද්ධ ප්‍රථිමා විනාශ කිරීමේ සිද්ධිය හරහා දේශපාලන වාසි ලබා ගැනීමට එක්සත් ජාතික පක්ෂයේ ඇතැම් පිරිස් කටයුතු කළ අතර, මාවනැල්ල එජාප ආසන බලමණ්ඩල රැස්වීමට සහභාගී වෙමින් මන්ත්‍රීනී හිරුණිකා ප්‍රේමචන්ද්‍ර මහත්මිය කියා සිටියේ, කබීර් හෂීම් ඇමතිවරයාගේ ගිණුමට බැර කර ජාතිවාදය ඇවිස්සීම සදහා එක්සත් ජනතා නිදහස් සන්ධානයේ පිරිසක් විසින් මෙසේ බුදු පිළිම විනාශ කළ බවයි.