සමාජ සවිබල ගැන් වීමේ සහ සමාජ සුබසාධන නියෝජ්‍ය ඇමැති පාලිත තෙවරප්පෙරුම මහතා ඊයේ (11 දා) දහවල් සිය නිවසේදී සිදු වූ හදිසි අනතුරකින් තුවාල ලබා කළුතර නාගොඩ මහ රෝහලට ඇතුළත් කර ඇත.
යටදොළවත්ත ප්‍රදේශයේ පිහිටි ඒ මහතාගේ නිවසේ වත්ත පිරිසිදු කිරීම සඳහා යොදවා තිබූ ඔහුටම අයත් බැකෝ යන්ත්‍රයේ කුල්ල තුනටිය ප්‍රදේශයේ ගැටීමෙන් මෙලෙස අනතුරට ලක්‌ව තිබිණි.
අනතුර සිදු වූ අවස්‌ථාවේ තෙවරප්පෙරුම මහතා අසල රැඳී සිටිනු රියෑදුරු දැක නැති අතර බැකෝ යන්ත්‍රයේ කුල්ල වැදීමත් සමඟ ඒ මහතා බිම ඇදවැටී තිබේ.
ඊයේ සිය නිවස අවට සුද්ධ පවිත්‍ර කිරීම සඳහා උපදෙස්‌ දෙමින් සේවකයන් සමඟ තෙවරප්පෙරුම මහතා ද සේවයේ යෙදී ඇති අතර අනතුරට ලක් වීමත් සමඟ ඔහු නාගොඩ මහ රෝහලේ හදිසි ප්‍රතිකාර ඒකකයට ඇතුළත් කර ඇත.