කොළඹ නගරයේ රාජ්‍ය ආයතන 137 ක ආරක්ෂාව සඳහා යොදවා සිටින සිවිල් ආරක්ෂක බලකා සාමාජිකයින් එම කටයුතු වලින් ඉවත් කිරීමට පියවර ගෙන තිබේ.
සිවිල් ආරක්ෂක දෙපාර්තමේන්තුවේ අධ්‍යක්ෂ ජනරාල් රියර් අද්මිරාල් ආනන්ද පිරිස් මහතා ප්‍රකාශ කළේ, ලබන මස අග සිට එම නිලධාරීන් අදාළ අයතනවල ආරක්ෂක කටයුතුවලට යෙදීමෙන් ඉවත් කරන බවයි.
ජනාධිපතිතුමා ලබාදුන් උපදෙස් පරිදි එම පියවර ගත් බව අධ්‍යක්ෂ ජනරාල්වරයා කියා සිටියේ ය.
එම සිවිල් ආරක්ෂක සමාජිකයින් ඔවුන් පදිංචි ප්‍රදේශවල කෘෂිකාර්මික කටයුතු, පන්සල්, පාසැල්වල ඉදිකිරීම් කටයුතු සඳහා යොදවනු ඇති.
මීට අමතරව වන අලි ගැටළු ඇති ප්‍රදේශවල අලි වැට නඩත්තු කිරිම සඳහාද සිවිල් ආරක්ෂක බලකා සමාජිකයින් යෙදවීමට නියමිත බව රියර් අද්මිරාල් ආනන්ද පිරිස් මහතා සඳහන් කළේ ය.