කොළඹ වරාය නැව් තටාකාංගනයේ සහ කොළඹ වරාය සේවකයන් 46 දෙනෙකුට කොරෝනා වෛරසය ආසාදනය වී ඇතැයි වාර්තා වෙයි.
මේ හේතුවෙන් එම තටාකාංගනය ඊයේ(23) දිනයේ සිට වසා දමා ඇත.
මෙම ආසාදිතයන් හමුවීමත් සමග වරාය බ්‍රොයිලර් සැකසුම් අංශය, වානේ සැකසුම් 1-2 අංශ වලට අයත් සේවකයන් සිය දෙනෙකු පමණ නිරෝධායනය සඳහා යොමු කර තිබේ.
නැව් තටාකාංගනය වාර්තා වූ ආසාදිතයන් මේ වනවිට රෝහල් කිහිපයක ප්‍රතිකාර සඳහා යොමු කර ඇත.
මේ අතර වරාය ස්වාධීන සේවා සංගමයේ සභාපති ලාල් බෙංගමුව මහතා පවසන්නේ මෙවන් අවදානම් තත්ත්වයක් හමුවේ වරාය පරිශ්‍රය තුළ නිසි සෞඛ්‍ය ආරක්ෂිත ක්‍රමවේද අනුගමනය නො වන බවයි.
අත් සේදීම සදහාද වරාය සේවකයන් ඉතා දිගු පෝලිම්වල සිටින බවද ඔහු පවසයි.