නව කොරෝනා වයිරසය ආසාදනය වීම හේතුවෙන් ඊයේ දිනයේදි ජීවිතක්ෂයට පත්වූ පුද්ගලයාට කොවිඩ් 19 ආසාදනය වී ඇති බවට තහවුරු වී ඇත්තේ ඊයේ දිනයේදීම බව සෞඛ්‍ය අධ්‍යක්ෂ ජනරාල් වෛද්‍ය අනිල් ජාසිංහ මහතා පැවැසීය.
73 හැවැරිදි වියේ පසුවූ මෙම පුද්ගලයා කොළඹ මරදාන ප්‍රදේශයේ පදිංචිකරුවෙක් බවත් ඔහු ශ්‍රී ජයවර්ධනපුර රෝහලේ ප්‍රතිකාර ලබමින් සිටි බවත් ඒ මහතා පැවැසීය.
ඔහු කොවිඩ් රෝගියෙකු බවට හඳුනාගෙන කොළඹ අයි.ඩී.එච්. රෝහලට මාරු කරන අවස්ථාවේදී ජීවිතක්ෂයට පත්වූ බවත් අධ්‍යක්ෂ ජනරල්වරයා පැවැසීය.
මෙම රෝගියා දියවැඩියාව, අධික රුධිර පීඩනය, දීර්ඝකාලීන වකුගඩු අඩපණ වීම යන රෝග තත්ත්වයන්ගේ පෙළී ඇති බවත් රෝගියා රෝහල්ගතවී ඇත්තේ රෝගය උත්සන්න වූ අවස්ථාවේදී බවත් අධ්‍යක්ෂ ජනරාල්වරයා වැඩිදුරටත් පවසයි.