පසුගිය ජාතික විභාගයන්හි ප්රතිඵල ජාතිය අනුව විශ්ලේෂණය කර වාර්තාවක් එවන ලෙස බස්නාහිර පළාත් ආණ්ඩුකාර අසාද්සාලි මහතාගේ උපදෙස් මත පළාතේ සියලූම පාසල්වලට ලිඛිතව දැනුම් දෙනු ලැබ ඇත.
මෙහිදී ජාතිය යනු සිංහල මාධ්‍ය හෝ දෙමළ මාධ්‍ය හෝ නොව සිංහල, දෙමළ හා මුස්ලිම් ලෙස සැලකිය යුතු යැයි ද විදුහල්පතිවරුන්ට යවා ඇති ලිපියේ සඳහන් කර තිබේ. පසුගිය 2017 වසරේ සිට මේ දක්වා උසස් පෙළ හා සාමාන්‍ය පෙළ විභාග ප‍්‍රතිඵලවලට අදාළව මෙම විශ්ලේෂණය එවන ලෙසද තවදුරටත් දැනුම් දෙනු ලැබ ඇත. ඊට අදාළ ආකෘතියක් ද විදුහල්පතිවරුන්ට යවා ඇත.
ජාතික විභාග හෝ වෙනත් කවර හෝ විභාගයකට අදාළව ජාතිය අනුව විභාග විශ්ලේෂණයන් සිදුනොකෙරෙන අතර මෙවන් ඉල්ලීමක් කෙරෙන ප්රථම අවස්ථාව මෙය බව විදුහල්පතිවරු පවසති. මෙය කුමන අරමුණක් මත කරන ඉල්ලීමක්ද යන්න ගැටලූවක් බවත් ඔවුහු සඳහන් කරති.