නීතිපති, කතානායක හෝ එජාප නායක රනිල් වික්‍රමසිංහ විසින් ඇමතිනී විජයකලාට විරුද්ධව පියවරක් නොගත්තොත් කොන්ද පන තියෙන මන්ත්‍රීවරයෙක් ඉන්නවනම් විජයකලාට විරුද්ධව විශ්වාසභංග යෝජනාවක් පාර්ලිමේන්තුවට ගෙනත් එය සම්මත කර ත්‍රස්තවාදී ප්‍රකාශ කල ඇයට විරුද්ධව ක්‍රියාකරන ලෙස ආචාර්ය ප්‍රතිභා මහානාමහේවා මහතා Colombo Today රට යන අත වැඩසටහනට එක්වෙමින් අද(4) සඳහන් කර සිටියා.
එසේ විශ්වාසභංග යෝජනාවක් ගෙන එන්නේනම් සිංහල ඡන්ද පදනම ආරක්ෂා කර ගැනීම සඳහා එජාප මන්ත්‍රීවරුද සහයෝගය පලකරනු ඇති බව මහානාමහේවා මහතා මෙහිදී සඳහන් කර සිටියා. අනවශ්‍ය විදිහට පාර්ලිමේන්තුව තුල කෑ කෝ නොගසා කරන්න තිබෙන හොඳම දේ කරන්න නැණ නුවන පහල වේවා යැයි ඒ මහතා ප්‍රකාශ කර සිටියා.
