ශ්‍රී ලංකා පොදුජන පෙරමුණේ අනුරාධපුර දිස්ත්‍රික් පාර්ලිමේන්තු මන්ත්‍රී එච්. නන්දසේන මහතාගේ අභාවයෙන් පුරප්පාඩු වූ මන්ත්‍රී
ධුරය සඳහා මනාප ලැයිස්තුවේ මීළඟ වැඩිම මනාප ලබාගෙන සිටින වීරසේන ගමගේ මහතා පත්වීමට නියමිතය.
ශ්‍රී ලංකා පොදුජන පෙරමුණේ අනුරාධපුරය දිස්ත්‍රික් පාර්ලිමේන්තු මන්ත්‍රී හා දිස්ත්‍රික් සම්බන්ධීකරණ කමිටුවේ සභාපති එච්. නන්දසේන මහතා අද පෙරවරුවේ අභාවප්‍රාප්ත විය.
හදිසි රෝගී තත්ත්වයකින් රෝහල්ගත කිරීමෙන් අනතුරුව ඒ මහතා මියගිය බව පවුලේ ඥාතීන් සඳහන් කළේය.
මියයන විට ඒ මහතා 69 වන වියේ පසුවුණි.
උතුරු මැද පළාත් සභාවේ අමාත්‍යවරයෙකු ලෙස දිගු කලක් කටයුතු කළ ඒ මහතා 2020 වසරේදී පළමු වරට මහජන ඡන්දයෙන් පාර්ලිමේන්තුවට තේරී පත්වුණි
පොලිස්පතිවරයාට අධිකරණය හමුවේ පෙනිසිටීමට නියෝග
හෙට (05) දින ප්‍රධාන පොලිස් පරීක්ෂකවරු පිරිසක් ස්ථාන මාරු කිරීම සම්බන්ධයෙන් ගොනුකර ඇති මූලික අයිතිවාසිකම් පෙත්සම් කිහිපයක් සම්බන්ධයෙන් කරුණු විමසීම සඳහා පොලිස්පතිවරයාට අධිකරණය හමුවේ පෙනී සිටින ලෙස දන්වා ශ්‍රේෂ්ඨාධිකරණය විසින් නියෝගයක් නිකුත් කර තිබේ.
අදාළ පෙත්සම් අද කැඳවනු ලැබූ අවස්ථාවේදී අග විනිසුරු ජයන්ත ජයසූරිය මහතා ප්‍රමුඛ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් විසින් එම නියෝගය නිකුත් කළහ[p