අගමැතිට සහ ආණ්ඩුවට විරුද්ධව ගෙන ආ විශ්වාස භංගයට පක්ෂව ඡන්දය දුන් ශ්‍රීලනිප මැති ඇමැතිවරුන් 15 දෙනා සහ නියෝජ්‍ය කතානායකවරයා තව දුරටත් තනතුරුවල සිටීම ප්‍රශ්නයක් වන හෙයින් ඔවුන් සියලු දෙනා තනතුරුවලින් ඉවත් කරන ලෙස එජාප මැති ඇමැතිවරුන් ජනපතිගෙන් ඉල්ලා සිටි බව අධ්‍යාපන ඇමැති අකිල විරාජ් කාරියවසම් මහතා පැවසීය.
ශ්‍රීලනිප මධ්‍යම කාරක සභාව රැස්වූ පසු ඒ පිළිබඳව තීරණයක් ගෙන දන්වන්නේයැයි ජනපති පැවසූ බව ද අමාත්‍යවරයා කීවේය.
අකිල විරාජ් කාරියවසම් මහතා ඒ බව පැවසුවේ කොළඹ දී පැවැති මාධ්‍ය හමුවකදීය.
අග්‍රාමාත්‍ය රනිල් වික්‍රසිංහ, අමාත්‍ය මලික් සමරවික්‍රම , අකිල විරාජ් කාරියවසම් ඇතුළු එජාප ඇමැතිවරුන් කිහිප දෙනකු ඊයේ රාත්‍රී ජනාධිපතිවරයා හමුවී තිබේ.