දේශපාලන හේතූන් මත සුරියවැව පොලිස් ස්ථානාධිපති වරයාට හදිසියේ මඩකලපුව ප්‍රදේශයට ස්ථාන මාරුවක් ලබා දිමට විරෝධය පළකරමින් ප්‍රදේශයේ ජනතාව හා මහ සගරුවන එක්ව අද පෙරවරුවේ පොලීසිය ඉදිරිපිට විරෝධතාවයක නිරතවිය.
විරෝධතාවයට එක්ව සිටි පිරිස පැවසුවේ සුරියවැව පොලිස් ස්ථානාධිපති පොලිස් පරීක්ෂක ක්‍රිෂාන්ත සම්පත් ජයසිංහ මහතා සුරියවැව ප්‍රදේශයට ඉමහත් සේවාවක් සිදු කල බවයි.
මිට මාස කිහිපයකට පෙර සුරියවැව සුරිවිරු ගම ප්‍රදේශයේදී දෙදරු පියෙකු වන අලි ප්‍රහාරයකට ලක්ව මිය ගිය අවස්ථාවේ එම අවමගුල් උත්සවයට සහභාගී වු පොලිස් ස්ථානාධිපතිවරයා වන අලි ගැටළුවට බළධාරීන් මිට වඩා මැදිහත් විය යුතු බව පවසා තිබේ.
ඔවුන් පැවසුවේ මේ හේතුවෙන් ප්‍රදේශයේ දේශපාලන නියෝජිතයින් කිහිප දෙනෙකුට මෙය දැඩි පහරක් විම හේතුවෙන් මෙලෙස ස්ථානාධිපති වරයා මාරු කර ඇති බවයි.