Colombo Today Local News

20 ට සහය දැක්වූ මුස්ලිම් කොංග්‍රස් මන්ත්‍රීවරුන්ට සමාව දුන්නා. | රවුෆ් හකීම් කියයි

20වන ආණ්ඩුක්‍රම ව්‍යවස්ථා සංශෝධනයට සහාය පළ කළ ශ්‍රී ලංකා මුස්ලිම් කොංග්‍රසයේ මන්ත්‍රීවරුන්ට පක්ෂයෙන් සහ මහජනතාවගෙන් සමාව ගැනීමේ කොන්දේසිය මත සමාව ලබාදී තිබේ.

එම පක්ෂයේ උත්තරීතර සභාව ඊයේ (13) රැස්වු අතර එහිදී සහාය පළ කළ මන්ත්‍රීවරුන් සම්බන්ධයෙන් අදාළ තීරණයට එළඹි බව පක්ෂ නායක රවුෆ් හකීම් මහතා ප්‍රකාශ කළේය.

එහිදී “අපේ මන්ත්‍රීවරුන්ගේ ඒ ක්‍රියා කලාපය උත්තරීතර සභාවේදී දැඩිලෙස විවේචනයට ලක්වුණා. ඒ මන්ත්‍රීවරු එකඟ වුණා තමන් මේ ඡන්දය දීම පිළිබඳව මහජනතාවගෙන් සමාව ගන්න. උත්තරීතර මණ්ඩලය මේ මන්ත්‍රීවරුන්ගෙන් ඉල්ලා සිටියා, තමන් මේ රජයට මෙතෙක් කල් යම් බලාපොරොත්තුවකින් දුන්නු සහයෝගයට දැක්වූ ප්‍රතිචාරය පිළිබඳව තමන්ගේ දැඩි කණගාටුවත් විරෝධයත් පළකරන්න කියලත්,” යනුවෙන් රවුෆ් හකීම් මහතා පැවසීය.

එම ව්‍යවස්ථා සංශෝධනයට සහාය දුන් මන්ත්‍රීවරුන් පවසන්නේ කෝවිඩ් වැළඳී මියයන මුස්ලිම් ජාතිකයන්ගේ මළසිරුරු භූමදානය කිරීමට අවසර ලබාදෙන බවට ආණ්ඩුවේ පාර්ශ්ව පැවසූ බැවින් තමන් සංශෝධනයට පක්ෂව ඡන්දය ලබාදුන් බවය.

ශ්‍රී ලංකා මුස්ලිම් කොංග්‍රසයේ උත්තරීතර සභාව ඊයේ (13) සවස කොළඹ පිහිටි පක්ෂ කාර්යාලයේදී රැස්වී තිබුණි.

එහිදී 20වන සංශෝධනයට සහාය දුන් මුස්ලිම් කොංග්‍රසයේ පාර්ලිමේන්තු මන්ත්‍රීවරුන් වන ෆයිසර් කාසිම්, එච්.එම්.එම්. හාරිස්, එම්.එස්. තවුෆික් සහ අන්වර් ෂාමෙඩ් යන අය සම්බන්ධයෙන් පක්ෂය ගතයුතු විනය ක්‍රියාමාර්ග පිළිබඳව සාකච්ඡාවට ලක්විය.

Related posts

ශ්‍රී ලංකන් ‘වෙබ් ද්වාරය’ ඉන්දීය සංචාරක නියෝජිතයන්ට විවෘත කරයි

Admin

ආණ්ඩුකාර සාලි අනුලා විදුහලට පනී… විදුහල්පතිනියට තග දමා දහම් පාසැලක් බලෙන් අරී.. අනුලාවෝ විරෝධතාවයේ…

colombotoday

හිටපු ජනපතිට නිවෙසක් දීමේ කැබිනට් තීරණයට අධිකරණ තහනමක්

colombotoday

එජාපය එකට එක කරයි.. විශ්වාසභංගයට පෙර, විධායක ජනපති ධුරය අහෝසි කරන යෝජනාව පාර්ලිමේන්තුවට

colombotoday

“ලැජ්ජාවක් තියේ නම් ඉල්ලා අස්වෙන්න.. නැත්නම් නිවේදනයේ වගකීම ගන්න“ – රවීට අභියෝගයක්

colombotoday

ඉම්රාන් ඛාන් රජය වූහාන්වල සිරවූ පාකිස්ථානුවන් සියරට ගෙන්වා නොගැනීමට තීරණය කරයි !

colombotoday