සමගි ජන බලවේගය විසින් (16) දින කොළඹදි පැවැත්විමට නියමිත උද්ඝෝෂණයට සහභාගි විම සදහා නුවරඑලිය ප්‍රදේශයෙන් කොළඹට පැමිණෙමින් සිටි සමගි ජන බලවේගයේ ආධාරකරුවන් පිරිසක් ආපසු හරවා යැවිමට පොලිසිය කටයුතු කරනු ලැබුහ.
හැටන් නුවරඑලිය ප්‍රධාන මාර්ගයේ කුඩාගම ප්‍රදේශයේදි පොලිස් මාර්ග බාධකයක් යොදවමින් ඩයගම , තලවකැලේ සහ දිඹුල පතන පොලිසියේ නිලධාරින් එම මාර්ගයේ ධාවනය වන සියළුම බස් රථ (16) දින උදැසන සිටි පරික්ෂාවකට ලක් කරන අතර,එහිදි ව්‍යාජ තොරතුරු පොලිසිය වෙත ඉදිරිපත් කරමින් බස් රථ වලින් පැමිණි පිරිස එම ස්ථානයෙන් යැමට උත්සහ කිරිමේදි එම ස්ථානයේ රැදි සිටි පොලිස් නිලධාරින් මහර මහෙස්ත්‍රාත් අධිකරණයෙන් නිකුත් කර ඇති වාරණ නියෝගයක් බස් රථයේ සිටි සියළු දෙනා වෙත ඉදිරිපත් කිරිමෙන් අනතුරුව දෙපාර්ශවය අතර උණුසුම් තත්ත්වයක්ද ඇතිවිය.
පසුව බස් රථයේ පැමිණ පිරිස අධිකරණ නියෝගයට ගරු කරමින් ආපසු බස් රථය නුවරඑලිය දක්වා ධාවනය කල අයුරු අප කැමරාවේ සටහන් විය.
හැටන් රංජිත් රාජපක්ෂ