‘ඇස්බැස්ටෝස් තහනම ඉවත් කිරීමට කුරුමිනියෙකුට හැකිවීනම් අපේ රටට පාලකයන් කුමකටද’යි පාරිභෝගික අයිතීන් සුරැකීමේ ජාතික ව්‍යාපාරය ප්රශ්න කරයි.
මේ බව සදහන් කරමින් එම සංවිධානය විසින් නිකුත් කර ඇති මාධ්‍ය නිවේදනය මෙසේය.
ඇස්බැස්ටෝස් තහනම ඉවත් කිරීමට කුරුමිනියෙකුට හැකිවීනම් අපේ රටට පාලකයන් කුමකටද?
2018 වසරේ සිට ඇස්බැස්ටෝස් තහනම් කරන බවට රජය 2016 වසරේ සිට ප්‍රකාශ කරන ලදී. එහෙත් 2017 දෙසැම්බර් 19 දින රජය පැවසුවේ ඇස්බැස්ටෝස් 2018 සිට තහනම් නොකරන බවයි.
ඇස්බැස්ටෝස් තහනම් කිරීමට හේතු වූයේ ඇස්බැස්ටෝස් මගින් පිලිකා ඇති කරන බව රජයේ මතය වූ බැවිනි.
අප අසනුයේ දැන් ඇස්බැස්ටෝස් මගින් පිලිකා ඇතිවෙන්නේ නැද්ද යන්නය.
රුසියාව විසින් අප රටේ තේ සදහා තහනමක් පැනවූයේ මෙම ඇස්බැස්ටෝස් තහනම නිසා බව බොහෝ අයගේ මතය වී ඇත.
එය එසේනම් පොලිතින් තහනමටත් මෙසේම විය හැක. අප තවමත් අධිරාජ්‍ය ගැත්තන් වී ඇත.
ජනතාවට පිළිකා සැදුනත් කමක් නැත. රුසියාව හොදින් තබා ගතයුතුය. අපේ පාලකයන් සිතන්නේ එසේය අහෝ! රටකට ගිය කල අපට කීමට ඇත්තේ එපමණකි.
රංජිත් විතානගේ
සභාපති