හිටපු අමාත්‍ය රිෂාඩ් බදුර්දීන්ගේ බොරැල්ල නිවසේ සේවය කරමින් සිටියදී පිළිස්සුම් තුවාල සහිතව රෝහල් ගත කළ 16 හැවිරිදි දැරියක් අද(15) කොළඹ ජාතික රෝහලේදී මියගොස් තිබේ.
හැටන් දියගම වතුයායේ පදිංචි මෙම දැරිය ගිනි තබාගෙන ඇති බවට සැක කෙරෙන අතර, පිලිස්සුම් තුවාල සහිතව පසුගිය සතියේ රෝහලට ඇතුළත් කර ඇත.
ඇය මුළුතැන්ගෙයට යාබද කාමරයක නවාතැන් ගෙන සිට ඇති අතර එහි තිබී භූමිතෙල් බෝතලයක් සහ ලයිටරයක් පොලිසිය සොයා ගත් බව වාර්තා වේ.
ඇගේ ඇඳුම් ගිනිගෙන තිබියදී ඇය කාමරයෙන් එළියට පැමිණි බව නිවැසියන් පවසා ඇත.
බොරෙල්ලා පොලිසිය මෙන්ම රජයේ රස පරීක්ෂකවරයාද නිවසට ගොස් සිද්ධිය සිදුවූ ස්ථානය පරීක්ෂා කර තිබේ.