පොලොන්නරුව – මඩකලපුවේ ප්‍රධාන මාර්ගයේ පුනානි ප්‍රදේශයේදී පොලොන්නරුවේ සිට කල්මුනේ දක්වා ගමන්ගත් පුද්ගලික බස් රථයක් අද (29) අනතුරට පත්ව තිබෙනවා.
අනතුරින් පුද්ගලයින් 13 දෙනෙකු බරපතල තුවාල ලබා වාලච්චේන රෝහලට ඇතුළත් කර ඇති බව වාලච්චේන පොලිසිය පවසයි.
අද උදෑසන 6.30 ට පමණ පූනානි ප්‍රදේශයේදී අධික වේගයෙන් ධාවනය වූ බස් රථය පාරෙන් ඉවතට පැන පෙරළී ගොස් ඇති අතර වාලච්චේන පොලිසිය වැඩිදුර පරීක්ෂණ පවත්වයි.