මෙරටට පාම් ඔයිල් ආනයනය කළ ප්‍රධාන පෙළේ සමාගම් දෙකක් නිසා 2013-2016 වර්ෂ ඇතුළත ශ්‍රී ලංකා රේගුවට රුපියල් මිලියන 6130ක් අහිමිව ඇති බව පාර්ලිමේන්තුවේ රජයේ ගිණුම් කාරක සභායේදී පෙරේදා (03) අනාවරණය විය.
ශ්‍රී ලංකා රේගුවේ නිලධාරීන්ගේ නොසැලකිලිමත් භාවය නිසා අදාළ කාල පරිච්ජේදය තුළ නිවැරදි භාණ්ඩ සංයෝජිත වර්ගීකරණ අංක (HS Code) යටතේ නිෂ්කාශනය නොකිරීමෙන් මෙම මුදල අහිමිව ඇති බව විගණකාධිපති දෙපාර්තුමෙන්තුව විගණන විමසුමකින් හෙළිදරව් කර තිබේ.
මෙම වසර ත්‍රිත්වය සඳහා අදාළ සමාගම්වලින් රජයට පාඩු වූ මුදල් අයකර ගැනීම සඳහා විමර්ශන කටයුතු ඉදිරියට ගෙන යෑමට මුදල් අමාත්‍යාංශ ලේකම් එස්.ආර්. ආටිගල මහතා කටයුුතු කර තිබුණද ශ්‍රී ලංකා රේගුව කඩිනමින් ඒ සම්බන්ධව පියවර ගත යුුතු බවට කාරක සභාව නියයෝග කළ අවස්ථාවේදී රේගු අධ්‍යක්ෂ ජෙනරාල් විජිත රවිප්‍රිය මහතා ඒ සම්බන්ධව සිය එකඟත්තවය පළ කළේය.
පාර්ලිමේන්තු මන්ත්‍රී මහාචාර්ය තිස්ස විතාරණ මහතායේ ප්‍රධානත්වයෙන් පැවති රජයේ ගිණුම් කාරක සභාව හමුවට ශ්‍රී ලංකා රේගු අධ්‍යක්ෂ ජෙනරාල් ඇතුළු ඉහළ නිලධාරීන් පිරිසක් පැමිණි සිටි අතර ඊට අමතරව මුදල් අමාත්‍යාංශයේ ඉහළ නිලධාරීහුද විගණකාධිපති දෙපාර්තමේන්තුවේ