එළඹෙන මැයි 17වන දින රජයේ වෛද්‍ය නිලධාරින්ගේ සංගමය දීප ව්‍යාප්ත එක් දින වැඩ වර්ජනයක් සිදු කිරීමට නියමිතබව අද (11) කොළඹ පැවති මාධ්‍ය හමුවකදී නිවේදනය කර සිටියේය.
සැබෑ ජාතික වෙළඳ ප්‍රතිපත්තියක් සකස් කිරීමකින් තොරව සිංගප්පූරු නිදහස් වෙළඳ ගිවිසුම ක්‍රියාත්මක කිරීමට යාමත්, එට්කා ගිවිසුමේ කටයුතු ඉදිරියට ගෙන යාමට බලධාරීන් ගන්නා අත්තනෝමතික උත්සහයට විරෝධය පළ කිරීමටත් මෙම වෘත්තීය ක්‍රියාමාර්ගය අනුගමනය කරනබව සංගමය පවසයි.
එමෙන්ම සයිටම් සිසුන් කොතලාවල ආරක්ෂක විද්‍යාලීය වෛද්‍ය පීඨයට සෘජු ලෙස අන්තර් ග්‍රහණය කර අර්බුද නිමා කරලීම සඳහා නව උසස් අධ්‍යාපන ඇමතිවරයා සමඟ විශේෂ සාකච්ඡාවක් පැවැත් වීමට නියමිත බවත් රජයේ වෛද්‍ය නිලධාරීන්ගේ සංගමය වැඩිදුරටත් පවසයි.
මෙම තීරණ ඊයේ (10) පැවති රජයේ වෛද්‍ය නිලධාරින්ගේ සංගමයේ විධායක සභාවේදී ගෙන තිබේ.