මෙක්සිකෝවේ “Oaxaca” ප්‍රාන්තයේ වෙරළේ තිබී චීන ජාතිකයින් 8 දෙනෙකුගේ සිරුරු හමුවී ඇති බව ජාත්‍යන්තර මාධ්‍ය වාර්තා කරයි.
ඔවුන් නීතිවිරෝධී ලෙස අමෙරිකාවට සංක්‍රමණය වීමට උත්සාහ කිරීමේදී බෝට්ටුව අනතුරට ලක්වන්නට ඇතැයි සැක කෙරේ.
මියගිය පිරිස අතර කාන්තාවන් 7 දෙනෙක් සහ පිරිමි පුද්ගලයෙක් සිටි බව සඳහන් ය.
එම බෝට්ටුවේ සිටි තවත් එක් අයෙක් දිවි ගලවාගෙන ඇති අතර බෝට්ටුව පැදවූ පුද්ගලයාට කුමක් වූයේද යන්න අපැහැදිලිය.
මෑතක සිට නීතිවිරෝධී ලෙස අමෙරිකාව ට සංක්‍රමණය වීමට උත්සාහ දරන පුද්ගලයින්ගේ ගණන වැඩිවී ඇති අතර එම පුද්ගලයින් බහුලව මෙක්සිකෝව හරහා අමෙරිකාවට යෑමට උත්සාහ ගන්නා බව සඳහන් වෙයි.