මාතර මහේස්ත්‍රාත් අධිකරණයේ නඩු භාණ්ඩ කාමරයේ වහළයේ උළු ඉවත් කර කිසියම් පිරිසක් ඊට ඇතුල්වී ඇති බවට පැමිණිල්ලක් ලැබුණු බව මාතර මූලස්ථාන පොලීසිය පවසයි.
වහලේ උලු කැට කිහිපයක් ඉවත් කර සිවිලිම කඩා එම කාමරයට කිසිවකු ඇතුළු වී තිබුණි.
එහි නඩු භාණ්ඩ වශයෙන් ලියුම් කවරවල දමා තිබු මුදල් එම කවර ඉරා ගන්නට ඇති බවට පොලීසිය සැකකරයි.
කෙසේ වෙතත් සොරා ගෙන ගිය මුදල් හෝ දේපොල සම්බන්ධයෙන් වාර්තාවක් මේ වන තෙක් ලබා දී නොමැත.
මීට පෙර අවස්ථාවක දී ද මෙම නඩු භාණ්ඩ කාමරය සොරු බිද තිබුණි.
අධිකරණයේ ආරක්ෂාවට මුරකරුවකු හා පොලිස් නිලධාරීන් ද සිටින බව පොලිසිය කියයි.