ඉකුත් මහ මැතිවරණයේදී එක්සත් ජනතා නිදහස් සන්ධානයෙන් තේරීපත්වූ
මන්ත්‍රීවරුන් සියලු දෙනා තවමත් සන්ධානයේ කටයුතු කරන බව එම සන්ධානයේ මහ
ලේකම් පාර්ලිමේන්තු මන්ත්‍රී මහින්ද අමරවීර මහතා කතානායකවරයාට ලිපියක්
යවමින් අද (20) දැනුම් දී ඇත.
සන්ධානයේ මන්ත්‍රීවරුන් පිරිසක් ශ්‍රී ලංකා පොදුජන පෙරමුණේ සාමාජිකත්වය
ගැනීමත් සමඟ එක්සත් ජනතා නිදහස් සන්ධානයේ සාමාජිකත්වය අහෝසී වී යන හෙයින්
19 වැනි සංශෝධනය අනුව ඔවුන්ගේ මන්ත්‍රීධූරද අහිමිවන බව එක්සත් ජාතික
පෙරමුණේ සහ දෙමළ ජාතික සන්ධානයේ මන්ත්‍රීවරුන් පිරිසක් විසින්
පාර්ලිමේන්තුවේදී මුලාසනයේ අවධානයට යොමු කෙරිණි.
මහින්ද රාජපක්ෂ මහතාට විපක්ෂ නායන ධූරය පිරිනැමීම සම්බන්ධයෙන් තේරීම් කාරක
සභාවක් පත් කිරීමක් පත් කරන්නැයි කෙරුණු ඉල්ලීම ගැන කතානායකවරයාගේ මතයද හෙට
ප්‍රකාශයට පත් කිරීමට නියමිතයි.