ශ්‍රී ලංකාවේ පෞද්ගලික අධ්‍යාපන ආයතන විසින් සිදුකෙරෙන මැලේසියානු උපාධි තවදුරටත් පිලි නොගනීමට Malaysian Qualifying Agency (MQA- National Accreditation Board) විසින් තීරණය කර ඇත.
මේ අනුව 2025 ජනවාරි 1 වන දින සිට ලියාපදිංචි වන මැලේසියානු විශ්ව විද්‍යාල උපාධි පාඨමාලා මෙරට සිට හදාරන සිසුන්ට MQA Malaysia වෙතින් අක්තපත්‍ර අනුමැතිය නොලැබේ.
මෙම තීරණයත් සමග ශ්‍රී ලංකාවේ සිට හදාරන මැලේසියානු උපාධි,
- CGFNS International, Inc. – Nursing Credentials Evaluation
- NZQA: The New Zealand Qualifications Authority
- ECCTIS:UK
ඇතුළු ලොව පුරා අනෙකුත් රටවල ක්‍රියාත්මක ආයතන විසින් උපාධියක් ලෙස පිලි නොගනු ඇත.
මෙම තොරතුරු මැලේසියානු සුදුසුකම් අධිකාරිය (MQA- National Accreditation Board) විසින් නිල වශයෙන් සන්නිවේදනය කර ඇත. ඒ අනුව එවැනි සුදුසුකම් ලබා ගන්නා සිසුන්ට UGC ශ්‍රී ලංකා පිළිගැනීම දිගටම පවතිනු ඇත. MQA ලියාපදිංචි වීමට අදහස් කරන සිසුන් ඔවුන්ගේ අවසන් වසර මැලේසියාවේදී සම්පූර්ණ කළ යුතුය.