දින 11 ක සටනකින් පසු ඊශ්‍රායලය හා හමාස් අතර ඇති වූ සටන් විරාමය මධ්‍යයේ එක්සත් ජනපද ජනාධිපති ජෝ බයිඩන් කියා සිටියේ අනාගතයේ දී ඊශ්‍රායලයේ “යකඩ ඩෝම්” පද්ධතිය වැඩිදියුණු කිරීම සඳහා ඊශ්‍රායල අග්‍රාමාත්‍ය බෙන්යමින් නෙතන්යාහුට “පූර්ණ සහයෝගය ලබා දෙන බවට” තමන් සහතික වූ බවයි. “
“අනාගතයේ දී ඊශ්‍රායලයේ යකඩ ඩෝම් පද්ධතිය වැඩිදියුණු කිරීම සහ එරට ආරක්ෂාව සහතික කිරීම සඳහා මගේ පූර්ණ සහයෝගය ලබා දෙන බවට මම ඔහුට සහතික වුණා” යැයි එක්සත් ජනපද ජනාධිපතිවරයා වැඩිදුරටත් පැවසීය.
දින 11 ක ගැටුමේදී හමාස් සහ ඉස්ලාමීය ජිහාඩ් විසින් එල්ලකළ රොකට් වෙඩි දහස් ගණනක් වෙඩි තබා විනාශ කිරීමට ඊශ්‍රායලය සතු “අයන් ඩෝම්” ආරක්ෂක පද්ධතියට හැකි විය.
ඊශ්‍රායල් හමුදාවට අනුව සටන්කාමීන් අවම වශයෙන් රොකට් 4,300 ක් සිය භූමිය දෙසටඑල්ලකර ඇති අතර ඉන් වැඩි ප්‍රමාණයක් “අයන් ඩෝම්” ආරක්ෂක පද්ධතියේ ග්‍රහණයට හසුවී ඇත.
ගාසා තීරයේ ප්‍රධාන ගොඩනැගිලි කිහිපයක් කඩා බිඳ දමා ඊශ්‍රායලය මැයි 10 සිට ගුවන් ප්‍රහාර කිහිපයක් සිදු කර තිබේ.
ගුවන් ප්‍රහාරවලින් ළමුන් 65 දෙනෙකු ඇතුළු අවම වශයෙන් පලස්තීනුවන් 230 ක් මිය ගිය අතර, ළමුන් දෙදෙනෙකු ඇතුළු ඊශ්‍රායලයේ ජීවිත 12 ක් අහිමි විය. හමාස් රොකට් ප්‍රහාරයෙන් ඊශ්‍රායල සොල්දාදුවෙකු එක් ඉන්දියානුවෙකු සහ තායි ජාතිකයන් දෙදෙනෙකු ජීවිතක්ෂයට පත්විය.
සටන් විරාමයක් සඳහා වන සැලසුම් ඊශ්‍රායල කැබිනට් මණ්ඩලය විසින් අනුමත කරන ලද අතර එය බ්‍රහස්පතින්දා GMT 23:00 ට ක්‍රියාත්මක වේ.