Update 3:15 PM මාධ්‍යවේදී ඉන්දික ශ්‍රී අරවින්ද මතුගම රෝහලට මාරු කර යවයි.
තමන්ව මතුගම රෝහලට මාරු යැවුණු බව මාධ්‍යවේදී ඉන්දික ශ්‍රී අරවින්ද ට්විටර් පණිවුඩයක් තබමින් සඳහන් කර සිටිනවා.
මගේ මාධ්‍ය හිත මිතුරන්ට ගොඩාක් ස්තුතියි…ඔයාලගේ මැදිහත්වීම නොතිබුනේනම් මට මේ දේ ලැබෙන්නේ නැහැ.මාව දැන් මතුගම රෝහලට මාරු කලා.ඔඹ සැමට ස්තුතියි…අරවින්ද pic.twitter.com/x9H1Lk7drr
— indika sri aravinda (@indika_aravinda) May 23, 2021
මාධ්‍යවේදී ඉන්දික ශ්‍රී අරවින්දට කොරෝනා අසාදනය වෙයි. පානදුර රෝහලේ ඇඳන් නොමැතිව ඊයේ සිට බිම.
මාධ්‍යවේදීයෙකු වන ඉන්දික ශ්‍රී අරවින්ද මහතාට කොරෝනා වෛරසය අසාදනය වී පානදුර රෝහලට ඊයේ (22) දින ඇතුලත් කර තිබෙනවා.
පානදුර රෝහලේ කොරෝනා රෝගීන් සිටින වාට්ටුවේ ඇඳන් 12ක් තිබෙන නමුත් රෝගීන් 25 කට ආසන්න ප්‍රමාණයක් එහි සිටීම හේතුවේ රෝහලට ඇතුලත් කල ඊයේ දින සිට මේ දක්වා (23 සවස 2.30) ඒ මහතාට බිම වාඩි වී සිටීමට සිදුව ඇත.
රජය රෝගීන්ට පහසුකම් සැපයීම පිළිබඳව මීට වඩා අවධානයක් යොමු කිරීමේ අවශ්‍යතාවය අප මතු කරන අතරම සෞඛ්‍ය සේවාවේ උපරිම තත්වයට පැමිණ ඇති ආකාරය මෙම තත්වයන් මගින් නිරීක්ෂණය වේ. ඒ බව ජනතාව අවබෝධ කරගෙන හැකිතාක් නිවසින් බැහැරට නොයා තමන්ගේ ආරක්ෂාව තමන්ම සලසා ගැනීමට වගබලා ගත යුතුව ඇත.