ටෙන්ඩර් කොමිස් ගැසීම් හා වංචා දූෂණ සම්බන්ධයෙන් අමාත්‍ය රවූෆ් හකීම් සහ අමාත්‍ය රිෂාද් බදුර්දීන් දෙපළ එකිනෙකාට චෝදනා කර ගැනීම නිසා පසුගිය සතියේ කැබිනට් මණ්ඩල රැස්වීම දැඩි ලෙස උණුසුම් වී ඇත.
එක් අමාත්‍යවරයෙක් හොරකම් සම්බන්ධයෙන් අනෙකාට චෝදනා කරද්දී අනෙකා පවසා ඇත්තේ “තමුසෙ පල් හොරෙක්“ බවයි.
ඇමති රිෂාද් බදුර්දීන් අපනයන සංවර්ධන මණ්ඩලය හරහා තඹ පිටරට යැවීම සම්බන්ධයෙන් ඇමති රවූෆ් හකීම් විරෝධය පළකර එහිදී සිදුවූ දූෂණ සම්බන්ධයෙන් තමන්ට හෙළිදරව් කිරීමට පුළුවන් යැයි පවසද්දී, ජල සම්පාදන මණ්ඩලයේ ටෙන්ඩර් කොමිස් ගැන රහස් තමන්ට හෙළිකළ හැකි යැයි ඇමති බදුර්දීන් පවසා ඇත.
මේ ආකාරයට ඇමති දෙපොළ කාකොටා ගනිද්දී ජනපතිවරයා මැදිහත් වී වහාම වාග් සංග්‍රාමය නතර කරන්නැයි නියෝග කොට ඇතැයිද සදහන් වේ.