මුලතිව්, නයාරු, ගුරුකන්ද රජමහා විහාරාධිපති හිමියන්ගේ දේහය විහාර භුමියේ ආදාහනය කිරීමෙන් අධිකරණයට අපහාස කල බවට චෝදනා කරමින් ද්‍රවිඩ සන්ධානය විසින් පුජ්‍ය ගලගොඩඅත්තේ ඥානසාර හිමිට විරුද්ධව ගොනු කල නඩුව අද කොළඹ අභියාචනාධිකරණයේදී නැවත කැඳවනු ලැබූ අතර අධිකරණයේ කාර්ය බහුලත්වය හේතුවෙන් මැයි 13 වනදා යලි කැඳවීමට නියෝග කරන ලදි.
පුජ්‍ය ගලගොඩඅත්තේ ඥානසාර හිමි වෙනුවෙන් හිටපු ආණ්ඩුකාර, ජනාධිපති නීතිඥ මෛත්‍රී ගුණරත්න මහතා සමග නීතිඥ තිෂ්‍ය වේරගොඩ, නීතිඥ ඉරේෂ් සෙනවිරත්න, නීතිඥ අෂාන් නානායක්කාර, නීතිඥ සංජය මාරඹේ, නීතිඥ නිලුකා දිසානායක යන මහත්ම මහත්මීන් පෙනී සිටින ලදි.
පෙත්සම්කාර දෙමල ජාතික සන්ධානය වෙනුවෙන් පාර්ලිමේන්තු මන්ත්‍රී එම්.ඒ සුමන්තිරන් පෙනී සිටින ලදි.