රටේ පවතින ආරක්ෂක තත්වය හේතුවෙන් බොදු සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමි අද (22) දිනයේ අධිකරණයට ඉදිරිපත් කිරීමට නොහැකි බවත් වෙනත් දිනයක් ලබා දෙන ලෙසත් වැලිකඩ බන්ධනාගාර පාලනාධිකාරිය හෝමාගම මහේස්ත්‍රාත් අධිකරණයෙන් ඉල්ලීමක් කර තිබෙනවා.
කොටි සංවිධානයට උදවු කළා යැයි විවිධ පාර්ශවයන්ගෙන් චෝදනා එල්ලවූ මාධ්‍යවේදීයෙක් ලෙස හඳුන්වන ප්‍රගීත් එක්නැලිගොඩගේ බිරිඳට බැන තර්ජනය කළායැයි සඳහන් නඩුවකට වරදකරු කරමින් මාස 6ක සිරදඬුවමක් ලබා දීමට හෝමාගම මහේස්ත්‍රාත් අධිකරණය මීට ඉහතදී කටයුතු කල අතර එම තීන්දුවට එරෙහිව ඥානසාර හිමි විසින් හෝමාගම මහාධිකරණයේදී ඇපෑලක් ගොනු කරන ලදි. එම ඇපෑල සලකා බැලූ හෝමාගම මහාධිකරණය ඥානසාර හිමිට ලබා දී තිබූ මාස 6ක සිර දඬුවම වසර 5කට අත්හිටුවන ලද අතර එම තීන්දුව අද (22) හෝමාගම මහේස්ත්‍රාත් අධිකරණයේදී කියවීමට දින නියමකර තිබුණි.