Colombo Today Local News

Facebook අසභ්‍ය පාටියේදී ඇල්ලූ 11 දෙනකුට ඇප

ෆේස්බුක් මිතුරු සංසදයකදී නීති විරෝධී මත්ද්‍රව්‍ය ළඟ තබා ගත් බව කියන එකොළොස් දෙනකුට එක් අයකුට රුපියල් ලක්‍ෂය බැගින් වූ ශරීර ඇප මත මුදාහරින ලෙස බළපිටිය මහෙස්ත්‍රාත් සම්පත් එන්. ගමගේ මහතා නියම කළේය. මෙසේ ඇප මත මුදාහරිනු ලැබුවේ කොළඹ, රත්නපුර, අකුරැස්ස, තඹුත්තේගම සහ පානදුර ආදී ප්‍රදේශවල පදිංචිකරුවන් එකොළොස් දෙනෙකි. කහව ගොඩගම ප්‍රදේශයේ උත්සව ශාලාවක් තුළ දී මෙම මිතුරු සංසදය පවත්වා තිබේ. මේ සඳහා මෙම සංසදයට අයත් 200කට වැඩි පිරිසක් පැමිණ ඇති බවත් ඔවුන් මත්ද්‍රව්‍ය පාවිච්චි කරන බවත් මීටියාගොඩ පොලිසියට තොරතුරක් ලැබිණි. ඒ අනුව නිලධාරියකු යොදවා මත්ද්‍රව්‍ය තිබෙන බවට තහවුරු කර ගැනීමෙන් පසු මීටියාගොඩ පොලිසිය ඇතුළු තවත් පොලිස් ස්ථාන හතරක නිලධාරීන් යොදවා මෙම වැටලීම කර තිබිණි.

මෙම සාදයට එක් අයකුගෙන් රුපියල් 5000ක මුදලක් අය කර තිබෙන බව ද පැවැසේ. ගංජා, හෂීස් ඇතුළු මත්ද්‍රව්‍ය මෙන්ම මත් පෙති වර්ග ළඟ තබා ගත් බව කියන එකොළොස් දෙනකු සමඟ උත්සව ශාලාවේ අයිතිකරු ද අත්අඩංගුවට ගෙන බළපිටිය අධිකරණය වෙත ඉදිරිපත් කෙරිණි.

ඒ අනුව එක් අයකුට රුපියල් ලක්‍ෂය බැගින් වූ ශරීර ඇප මත මුදාහැරි අතර ජුනි 14 වැනි දින නැවත නඩුව කැඳවන ලෙස ද මහෙස්ත්‍රාත්වරයා නියම කළේය.

Related posts

කෘෂිකර්ම අමාත්‍යංශය සබිතාගේ ගොඩනැගිල්ලට ගියවිදිහ අහන්න අගමැති ලේකම් ජනාධිපති කොමිෂන් සභාව හමුවට

colombotoday

අද සිට සිමෙන්ති මිල ඉහළට

colombotoday

වැලි ටිපරයක ගැටී කොස්තාපල්වරයකු මරුට

Admin

ජනපති ගෝඨාභයගේ ප්‍රථම නිළ සංචාරය අද ඉන්දියාවට – ඇමතිවරු කිසිවෙක් නෑ. නිලධාරින් පමණයි.

colombotoday

ජනපති ලේකම් ධුරයෙන් ඔස්ටීන් ප්‍රනාන්දු ඉල්ලා අස්වෙයි ?

colombotoday

ජොන්ස්ටන්ගේ නඩුව විත්තියේ විරෝධය නොතකා අහයි

Admin