පසුගිය වසරේ දෙසැම්බර් තෙක් වූ වසර පහ තුල සුරාබදු දෙපාර්තමේන්තුවට අයවිය යුතු බදු මුදල් නිසි ලෙස අයවි නොමැතිබව හෙළිවී තිබේ.
ඒ අනුව සුරා බදු දෙපාර්තමේන්තුවට ලැබිය යුතු මිලියන 2376.2ක මුදලක් බදු ලෙස අයවි නොමැති බව පාර්ලිමේන්තු ගිණුම් කාරක සභාවේදී අනාවරණය වී ඇත.
එහි සභාපති, පාර්ලිමේන්තු මන්ත්‍රී මහාචාර්ය තිස්ස විතාරණ මහතාගේ ප්‍රධානත්වයෙන් රැස්වූ කමිටුවේදී දැනුම්දී ඇත්තේ අදාළ මුදල් හැකි ඉක්මනින් අයකරගන්නා ලෙසයි.
එසේම මෙතෙක් රටට ආදායම් ලබාදෙන සුරාබදු දෙපාර්තමේන්තුවට නීති නිලධාරියෙක් බඳවා ගෙන නොමැති බවද අනාවරණය කර ගෙන ඇත. එබැවින් නීති හා පර්යේෂණ ඒකකයක් ස්ථාපිත කර නීති නිලධාරියකු බඳවාගන්නා ලෙස එහි නිලධාරීන්ට උපදෙස් ලබා දී තිබේ.