ස්වරණමහල් ෆිනෑන්ෂල් සර්විසස් පී.එල්.සී. ආයතනයේ ඉතිරි තැන්පතුවලින් සියයට 50ක් ආපසු ගෙවීම හෙට (3)දින ආරම්භ කරන බව ශ්‍රී ලංකා මහ බැංකුව සඳහන් කරයි.
ඉතිරි තැන්පතුවලින් සියයට 50ක් ආපසු ගෙවීම සඳහා ස්වරණමහල් ෆිනෑන්ෂල් සර්විසස් පී.එල්.සී. ආයතනයේ ව්‍යාපාර කටයුතු කොන්දේසි පදනම යටතේ ඉකුත් මස 13වැනිදා සීමිත කාලයක් සඳහා ආරම්භ කෙරුණි.
ඒ අනුව ස්වරණමහල් ෆිනෑන්ෂල් සර්විසස් පී.එල්.සී. ආයතනය රැස් කරන ලද තැන්පතුවලින් මේ වනවිට ගෙවා ඇති සියයට 30ක ප්‍රමාණය සහ ශ්‍රී ලංකා තැන්පතු රක්ෂණ හා ද්‍රවශීලතා ආධාරක ක්‍රමය යටතේ ආවරණය වන රක්ෂණ වන්දි මුදල හැර ඉතිරි තැන්පතු වටිනාකමින් සියයට 50ක් ගෙවීම හෙට (3) ආරම්භ කරන බව මහ බැංකුව කියයි.
කොළඹ 4, ආර්.ඒ. ම මෙල් මාවතේ පිහිටි ස්වරණමහල් ෆිනෑන්ෂල් සර්විසස් පී.එල්.සී. ආයතනයේ ප්‍රධාන කාර්යාල ශාඛාවෙන් වෙන් කරන ලද දිනවලදී උදෑසන 9 සිට පස්වරු 4 දක්වා පමණක් ආපසු ගෙවීම් කරන බව ද මහ බැංකුව සඳහන් කරයි.