පරීක්ෂණ මටටමේ පවතින ඖෂධ ලංකාවේ ලියාපදිංචි කිරීමට සෞඛ්‍ය අමාත්‍යංශයේ සිටින මාෆියා කණ්ඩායම් සැරසෙන බව වාර්තා වේ.
මෙවැනි පරීක්ෂණ මට්ටමේ පවතින ඖෂධ නීති ගත කිරීමට කටයුතු කරන්නේ ඖෂධ සමාගම්වල ඕනෑ එපාකම් අනුව කටයුතු කරන සෞඛ්‍ය අමාත්‍යංශයේ සිටින නියෝජිත පිරිස්ය. බෙහෙත් ගෙන්වීම සඳහා වූ ටෙන්ඩර් පටිපාටිය උල්ලංඝනය කරමින් මෙරටට ඖෂධ ගෙන්වීමේ ජාවාරමක මෙම නියෝජිතවරු නියැලේ.
වාර්තා වන අන්දමට ප්රවාහන අමාත්‍ය නිමල් සිරිපාල ද සිල්වා මහතාගේ බෑණා කෙනෙකුද මෙය පිටුපස සිටී.
සෞඛ්‍ය අමාත්‍යංශයේ ඖෂධ මාෆියාවට එරෙහි වූ ඖෂධ නියාමන කොමිසමේ සභාපතිධූරය දැරූ මහාචාර්ය ලාල් ජයකොඩි මහතාට සහ ප්‍රධාන විධායක නිලධාරී තනතුර දැරූ මහාචාර්ය ක්‍රිෂාන්ත වීරසූරිය මහතාට සිට ධූරයෙන් ඉවත් වී යාමට පවා සිදුවන්නේ මෙවැනි පසුබිමක් තුලය.
පරීක්ෂණ මට්ටමේ පවතින බෙහෙත් නිර්දේශ කළ යුතුව ඇත්තේ අනිකුත් ඖෂධවලින් කිසිදු පලක් නැති අවස්ථාවක තිබෙන එකම විකල්ප ඖෂධ ලෙස පමනි. මෙවැනි පරීක්ෂණ මට්ටමේ පවතින බෙහෙත් වලින් අතුරු ආබාධ ඇතිවීම, සමහර විට කිසිදු සුවයක් නොලැබීම වැනි අනිසි ප්‍රතිඵල ලැබීමට වැඩි සම්භාවිතාවක් ඇත.
උදාහරණයක් ලෙස පිලිකා රෝගය වෙනුවෙන් ලබදෙන ඖෂධ 2 ක් වන NImotozumab, Cimavax මගින් රෝගියාගේ උපරිම ආයු කාලය මාස 3- 6 දක්වා වැඩි වේ. මෙම බෙහෙත්වලින් රෝගය සුවීමේ ප්‍රතිශතය 30% කි.
යහපාලන ආණ්ඩුවේ ප්‍රධානියා වන ජනාධිපති මෛත්‍රීපාල සිරිසේන මහතා පසුගිය රජයේ සෞඛ්‍ය අමාත්‍යවරයාව සිටි යුගයේ මෙවැනි අක්‍රමිකතා නැවැත්වීමට ඉතා උනන්දු විය. නමුත් එහි තිබූ සීමා සහිත බලතල නිසා එවැන්නක් ක්‍රියාත්මක කිරීමට අපොහොසත් විය. හාස්‍යට කරුණ නම් දැන් ඔහු අද විධායක බලතල සහිතව රටේ ප්‍රධානියාව සිටී. එවැනි පසුබිමක් තුල යහපාලන රජයට මෙවැනි මාෆියා නැවැත්වීමට හෝ රාජ්‍ය ඖෂධ ප්‍රතිපත්තිය නිසි ලෙස ක්‍රියාත්මක කිරීමට වගේ වගක් නැත.
යහපත් ජාතික ඖෂධ ප්‍රතිපත්තීන් ගොඩ නගා ගැනීම හා රටේ අක්‍රමවත් ලෙස භාවිතා වන ඖෂධ සම්බන්ධයෙන් විධිමත් පියවරක් ගැනීම සම්බන්ධයෙන් සාක්ච්ඡා කිරීමට ලබන අගහරුවාදා එනම් පෙබරවාරි මස 09 වෙනිදා CSR හිදී සවස 2.00 පැවැත්වීමට කටයුතු යොදා තිබේ. මේ සම්බන්ධයෙන් උනන්දුව දක්වන පුරවැසියන්ට, කණ්ඩායම්වලට විද්වතුන්ට, වෛද්‍යවරුන්ට හා සෞඛ්‍ය ක්ෂේත්‍ර යේ ක්‍රියාකාරීන්ට ආරාධනා කර සිටී.