මෙම අධිමාත්‍රා ඖෂධ විකිණීම සම්බන්ධයෙන් අත්අඩංගුවට ගෙන ඇත්තේ ඇත්ගාල පොලිස් වසමට අයත් ජයමාලපුර ප්‍රදේශයේදී වෛද්‍යවරයෙක් ය.
මෙම සැකකරු වයස අවුරුදු 49ක ගෙලිඔය, කරමඩ ප්‍රදේශයේ පදිංචිකරුවෙක් වේ.
පොලිස් මාධ්‍ය කොට්ඨාසය සඳහන් කළේ, ඊයේ (පෙබ. 13) ඇත්ගාල පොලිස් ස්ථානයේ නිලධාරීන්ට ලද තොරතුරක් මත අධිමාත්‍රා ඖෂධ 1,600ක් විකිණූ වෛද්‍යවරයෙකු අත්අඩංගුවට ගෙන ඇති බව ය.
සැකකාර වෛද්‍යවරයා විසින් මත්ද්‍රව්‍ය භාවිතයට හුරුවූ පුද්ගලයින් මත්ද්‍රව්‍ය නොමැති අවස්ථාවලදී භාවිතයට ගනු ලබන ඖෂධ මෙලෙස අලෙවි කරනු ලැබ ඇති අතර දීර්ඝ කලක සිට සිදු කරන ලද විමර්ශනයකට අනුව උපාය දූතයෙකු යොදවා මෙම වැටලීම සිදු කර ඇත.
ඔහු අද (පෙබ. 14) ගම්පොළ මහේස්ත්‍රාත් අධිකරණයට ඉදිරිපත් කිරීමෙන් අනතුරුව පෙබ. 19 වන දා දක්වා රක්ෂිත බන්ධනාගාරගත කර තිබේ.
මේ සම්බන්ධයෙන් ඇත්ගාල පොලිසිය වැඩිදුර විමර්ශන සිදු කරමින් ඇත.