රටේ වර්තමාන තත්ත්වය හා ආණ්ඩුව තුළ පැන නැඟී ඇති ප‍්‍රශ්න පිළිබඳව ජනාධිපතිවරයා සහ අගමැතිවරයා හමුවී සාකච්ඡා කිරීමට ශී‍්‍ර ලංකා නිදහස් පක්‍ෂය ඇතුළු ආණ්ඩුවට සම්බන්ධ දේශපාලන පක්ෂ නායකයෝ තීරණය කර ඇත.
ජාතික නිදහස් පෙරමුණේ නායක ඇමැති විමල් වීරවංශ මහතාගේ නිවසේ පැවැති පක්ෂ නායක සාකච්ඡුාවකින් පසු මෙම තීරණය ගත් බව ශී‍්‍ර ලංකා නිදහස් පක්ෂයේ මහලේකම් රාජ්‍ය ඇමැති දයාසිරි ජයසේකර මහතා පැවසීය.
මේ වනවිට ආණ්ඩුවට මුහුණ දීමට ඇති අභියෝග සහ ආණ්ඩුවේ අභ්‍යන්තර ප‍්‍රශ්න පිළිබඳවත් ජනතා ප‍්‍රශ්නවලට මූලිකත්වය දී කටයුතු කිරීමට ගතයුතු කි‍්‍රයාමාර්ග පිළිබඳවත් මෙහිදී ජනාධිපති ගෝඨාභය රාජපක්‍ෂ සහ අගමැති මහින්ද රාජපක්‍ෂ යන මහත්වරුන් දැනුවත් කිරීමට මෙහිදී පක්ෂ නායකයන් තීරණය කළ බවද රාජ්‍ය ඇමැතිවරයා සඳහන් කළේය.
ආණ්ඩුවේ අභ්‍යන්තර ප‍්‍රශ්න මුල් කරගෙන විපක්‍ෂයට එහි වාසිය ලැබෙන අයුරින් කටයුතු නොකිරීමටත්, ජනාධිපතිවරයාගේ ‘සෞභාග්‍යයේ දැක්ම’ වැඩපිළිවෙළ ඉදිරියට ගෙන යෑම පිළිබඳව සියලූ දෙනා එක්ව කටයුතු කළ යුතු බවටත් සාකච්ඡුාවට එක්වූ පක්ෂ නායකයන් තීරණය කළ බවද රාජ්‍ය ඇමැතිවරයා වැඩිදුරටත් සඳහන් කළේය.
මෙම සාකච්ඡාවට ආණ්ඩුවට සම්බන්ධ දේශපාලන පක්ෂ 12ක නායකයන් සහභාගි වී තිබේ.