මෙරටට පැමිණි යුක්‍රේන සංචාරකයින් කණ්ඩායමක් ඊයේ (02) පස්වරුවේ යාල ජාතික වනෝද්‍යානයේ සංචාරයක නිරත වී තිබේ.
ඊට යුක්‍රේන ජාතිකයින් 102ක් සහ ළමුන් 11 දෙනෙකු එක්වී ඇත.
ඔවුන් ඉකුත් 28 හා 29 දෙදින තුළ මෙරටට පැමිණි සංචාරක කණ්ඩායමට අයත් පිරිසකි.
සංචාරයේ නිරත වු යුක්‍රේන ජාතිකයින් කිසිවෙකු මුඛ ආවරණ පැළඳ නොසිටි ආකාරය එහිදී දක්නට ලැබුණි.
ඒ අතර යුක්‍රේන ජාතිකයින් සංචාරයට රැගෙන ගිය සෆාරි ජීප් රථ රියදුරන් 28 දෙනෙකු ඊයේ රාත්‍රියේ දින 14ක නිරෝධායනය සඳහා රැගෙන ගොස් තිබුණි.
සෆාරි ජීප් රථ රියදුරන්ගෙන් ඊට එල්ල වී තිබුණේ දැඩි විරෝධයකි.
“සෆාරි ගිහින් ආවට පස්සෙ තමයි යුද හමුදාවෙන් ඇවිත් අපිව අරන් යන්නෙ. අපි කිසිදෙයක් දන්නෙත් නෑ. දන්නවා නම් අපි එන්නෙත් නෑ. සුද්දෝ රට වටේම ඇවිදිනවා. අපිව කොටු කරනවා,” යනුවෙන් සෆාරි ජීප් රථ රියදුරන් එහිදී පැවසීය.