World

CIA හොර වැඩ විකිලීක්ස් හෙළි කරයි

ඇමෙරිකා එක්සත් ජනපදයේ සී.අයි.ඒ සංවිධානයේ රහසිගත තොරතුරු රැසක් අනාවරණය කිරීමටත් විද්‍යුත් උපාංගවලට පිවිස තොරතුරු ලබාගැනීම සඳහා එම සංවිධානය යොදාගත් ක්‍රමවේද රැසක් අනාවරණය කිරීමටත් විකිලීක්ස් වෙබ් අඩවිය කටයුතු කර ඇත. මෙම රහසිගත තොරතුරු අනාවරණය කිරීම මෙතෙක් ඉතිහාසයේ සී.අයි.ඒ සංවිධානයේ විශාලතම රහසිගත තොරතුරු හෙළිදරවු කිරීම යැයි ද විකිලීක්ස් උපුටා දක්වමින් විදෙස් මාධ්‍ය වාර්තා කරයි.

ජංගම දුරකතන, සන්නිවේදන මෘදුකාංග සහ අනෙකුත් විද්‍යුත් උපාංගවලට අනවසරයෙන් පිවිස දත්තා එක්රැස් කිරීමේ කටයුතුවල යෙදීම සඳහා ඇමෙරිකාවේ සී.අයි.ඒ සංවිධානය භාවිත කළ ක්‍රමවේද මේ අනුව විකිලීක්ස් වෙබ් අඩවිය විසින් අනාවරණය කර තිබේ.
මේ වනවිට විකිලීක්ස් වෙබ් අඩවිය ලියකියවිලි දහස් ගණනක් හෙළිදරවු කර ඇති අතර සි.අයි.ඒ සංවිධානය බ්‍රිතාන්‍ය බුද්ධි අංශය හා එක්ව ස්මාර්ට් රූපවාහිනි වැඩිදියුණු කරන ලද නීරික්ෂණ උපාංග ලෙස යොදාගත් අයුරුත් තොරතුරු එක්රැස් කිරීම සඳහා යොදාගත් අනෙකුත් තාක්ෂණික ක්‍රම සම්බන්ධයෙනුත් මේ ඔස්සේ විශේෂයෙන්ම අවධානය යොමු කර ඇත.

මෙම තොරතුරු අනාවරණය කිරීම් විකිලීක්ස් විසින් ‘වෝල්ට් 7’ යනුවෙන් නම් කරනු ලැබ තිබේ. මෙම අනාවරණය ඔස්සේ ඇමෙරිකා එක්සත් ජනපදයේ ජාතික රහස්‍ය සංවිධානවලට ඩිජිටල් යුගයේදීත් තම රහස්‍ය තොරතුරු ආරක්ෂා කරගැනීමේ නොහැකියාව පෙන්නුම් කර ඇතැයි ද විදෙස් මාධ්‍ය පෙන්වා දී තිබිණි.

Related posts

Google අන්තර්ජාල සැපයුම බිඳ වැටෙයි

colombotoday

වසර 2,200ක් පැරණි බුදු පිළිම ද්විත්වයක් හමුවෙයි

colombotoday

තමිල්නාඩුව හඩවමින් ජයලලිතා නික්ම යයි

colombotoday

ආගමික උත්සවයක් අතරතුරදී 27ක් අවසන් ගමන් යයි

Admin

ඉන්දු – ජපන් ඒකාබද්ධ JIMEX නාවික හමුදා අභ්‍යාසය අවසන්

colombotoday

ඇමෙරිකන් චිත්‍රපට නැරැඹූ ගැටවරයන් පවුලේ අය ඉදිරියේ මරා දායි

Admin