වයඹදිග පාකිස්තානයේ ඉස්ලාමීය ආගමික පාසලක් (මද්‍රසා) තුල සිදුවූ ප්‍රබල පිපිරීමක් හේතුවෙන් පුද්ගලයින් 8 දෙනෙකු මියගොස් 100 කට වැඩි පිරිසක් තුවාල ලබා ඇතැයි එරට ආරක්ෂක අංශ පවසති.
පෙෂාවාර් නගරය ආසන්නයේ ජනාකීර්ණ තදාසන්න ප්‍රදේශයක පිහිටි ජාමියා සුබේරියා මද්‍රසා පාසලේ අඟහරුවාදා (27) අලුයම මෙම පිපිරිම සිදුවී ඇති අතර එහි වගකීම කිසිදු කණ්ඩායමක් තවමත් භාරගෙන නොමැත.
පාකිස්තාන තලේබාන් සංවිධානය ප්‍රහාරයට තම සංවිධානය සම්බන්ධ නොමැති බව සඳහන් කරමින් ප්‍රකාශයක් නිකුත් කළ අතර සිසුන් ඉලක්ක කිරීම “නින්දිත ක්‍රියාවක්” ලෙස සඳහන් කර ඇත.