හම්බන්තොට වරාය චීනයට බදු දී ලබා ගත් ඇමරිකානු ඩොලර් මිලියන 292ක් (රුපියල් කෝටි 4500 ක මුදල මේ වන තෙක් ශ‍්‍රි ලංකා මහ බැංකුවේ රජයේ ගිණුමට බැර වී නැති බව පාර්ලිමේන්තු මන්ත‍්‍රී බන්දුල ගුණවර්ධන මහතා පවසයි.
කොළඹදී පැවති මාධ්‍ය හමුවක් අමතමින් හෙතෙම මේ බව කියා සිටියේය.
ගත වූ දින 14ක කාලයක් තුල එම මුදල කවරුන් විසින් කුමන ප‍්‍රයෝජනයක් සදහා යොදා ගත්තේදැයි නොදන්නා නිසා මුල වෙළදපල තුල සැකයක් අවිශ්වාසයක් ඇතිව තිබෙන බවද මන්ත්‍රීවරයා සදහන් කරයි. අදාල චෙක්පත භාණ්ඩාගාරය නමින් මහ බැංකුවේ ඇති විශේෂ ගිණුමට බැර විය යුතු බවද ඔහු පෙන්වා දෙයි.
මහා ව්‍යවසනයකින් මුළ වෙළදපල කඩා වැටීමට පෙර මේ සම්බන්ධයෙන් ජනාධිපතිවරයා විසින් මැදිහක් විය යුතුව ඇති බවද ඒ මහතා සදහන් කරයි.