Colombo Today Local News

පීකොක් මැදුරේ තටාකයේ රත්තරන් නෑ.. පොලීසිය මුට්ටි 2ක් සොයාගනී

කම්කරු පක්‍ෂයේ නායක හිටපු නයිජීරියානු ශ්‍රී ලංකා තානාපති ඒ.එස්‌.පී. ලියනගේ මහතාට අයත් පීකොක් මැදුරේ වැලිවලින් පුරවා තිබූ පිහිනුම් තටාකයේ තිබී මැටි මුට්ටි දෙකක් හා පාවහන් යුවලක් කොළඹ අපරාධ කොට්ඨාසය විසින් සොයාගෙන තිබේ.

එම නිවසේ ඇති පිහිනුම් තටාකයේ හිටපු ජනපති මහින්ද රාජපක්ෂ මහතාට අයත් මුදල් ඇති බවට මාධ්‍ය වාර්තා පලකර තිබූ අතර, එම වාර්තා නිසා තමාට හානියක් වී යැයි කියමින් එය පරික්ෂා කරන ලෙසට පීකොක් මැදුරේ හිමිකරු ලියනගේ මහතා විසින් පොලිස්පතිවරයාගෙන් ලිඛිත ඉල්ලීමක් කර තිබිණි.

එම ඉල්ලීමට අනුව කොළඹ අපරාධ කොට්ටාසයේ නිලධාරීන් විසින් අදාල පිහිනුම් තටාකයේ වැලි ගොඩදැමීම ඊයේ (29) පෙරවරුවේ ආරම්භ කළේය.

මුලින්ම මිනිසුන් කිහිපදෙනෙක් යොදා ගනිමින් බාල්දිවලින් වැලිගොඩ දැමීම සිදු කළ අතර පසුව අද (29) පස්වරු 3.00ට පමණ පොලිසිය විසින් බැකෝ යන්ත්‍රයක් ආධාරයෙන් වැලි ගොඩදැමීම කළේය.

පාවහන් යුවල ASPගේද? මහින්දගේද ?

පිහිනුම් තටාකයෙන් සොයාගන්නා ලද පාවහන් යුවල එහි හිමිකරු ලියනගේ මහතාගේ බවට කොළඹ අපරාධ කොට්ටාසයට දැනුම් දුන්නද එය මුද්‍රාතබා පොලිස් භාරයට ගැනීමට කටයුතු කර තිබිණි.

ඒ අදාල පාවහන් හිටපු ජනපතිවරයාගේ බවට වන සැකයක් නිසාය.

මැටි මුට්ටි යම් ශාන්තිකර්මයකට ගෙනෙන ලද ඒවා බව බැලූ බැල්මට දැකගත හැකිවූ බව අප වාර්තාකරු සඳහන් කළේය.

Related posts

ජූලි 5-12 අතර ගෑස් නැව් 2 ක් දිවයිනට

colombotoday

රාජපක්‍ෂලා නැසීමට ගිනි අවි සියයක් කොළඹට..?

colombotoday

ඉන්දියාවෙන් ආපු අයගේ විස්තර හා නිරෝධායන ස්ථාන අපිට ලබාදෙන්න – බ්‍රැන්ඩික්ස්ට පාර්ලිමේන්තුවෙන් අභියෝගයක්

colombotoday

සිංගප්පූරු ගිවිසුමට එරෙහිව රතන හිමි සටනට

colombotoday

කිරිබත්ගොඩ පාළු නිවසකින් කාන්තා මළසිරුරක් හමුවෙයි

colombotoday

ඇලෝසියස්ගෙන් සල්ලි ගත්ත 118 දෙනාගේ කතාව අම්පාරේ වඳ පෙත්ත වගේ එකක් – කතානායක කරු

colombotoday