Colombo Today Local News

ජනාධිපති තුමාට දින 100න් ආර්ථිකය හදන්න බැරිවුන හේතුව අනුර ප්‍රියදර්ශන යාපා කියයි

ගෝඨාභය රාජපක්ෂ මැතිතුමා ජනාධිපති වී දින 100ක් ගත වුවද ආර්ථිකය ශක්තිමත් කිරීමට නොහැකි වුවේ පාර්ලිමේන්තුවේ බලය නොමැති නිසාවෙන් මුදල් පනත් සම්මත කරගැනීමට නොහැකි වීම නිසා බව කුරුණෑගල දිස්ත්‍රික් හිටපු පාර්ලිමේන්තු මන්ත්‍රී අනුර ප්‍රියදර්ශන යාපා මැතිතුමා පවසනවා.

සත්කෝරලයේ ප්‍රථම ජනහමුව අමතමින් ඒ මහතා පලකල අදහස්….

මේ ආර්ථිකය වෙනස් කරන්න තමයි අපි ගෝඨාභය රාජපක්ෂ මහත්තයා පත්කළේ. මේ දින සියය තුල අපිට ඕන කරන ටික කරන්න අවශ්‍ය හයිය තිබුණේ නැහැ. පාර්ලිමේන්තුවේ කිසිම පනතක් සම්මත කරගන්න බැහැ. එදා මුදල් වෙන්කරගන්න පාර්ලිමේන්තුවට පනත දැම්ම දවසේ මම මෙහෙ ඉඳලා  කොළඹ ගියේ 10.30 ට විතර. මට දුරකතනයෙන් ඒ වෙලාවේ කතා කරලා  කිව්වා නායකයෝ එකතු වෙලා පාර්ලිමේන්තුවේ කතා කරනවා කියලා. මම කොළඹ යනකොට 12.15 යි. ඒ වෙද්දීත් කතාව ඉවර නැහැ.

මොකද ඒ මේ අය මුදල් පනත සම්මත කරගන්න කොන්දේසි දැම්මා.පාර්ලිමේන්තු කාලය දික් කරන්න… වෙන දේවල් වලට සල්ලි ගන්න එපා… ආදී වශයෙන්. අවසානයේ ආණ්ඩුව කල්පනා කළා, කමක් නෑ මේක අපි අත ඇරලා දානවා කියලා. අත ඇරලා දැම්මා. එතකොට මහජනතාව බලාපොරොත්තු වෙන සමහර සංවර්ධන කටයුතු කරන්න ආණ්ඩුවට මුදල් නෑ පාර්ලිමේන්තුව විසුරු දවසට තමයි ජනාධිපතිතුමාට ආපහු බලය ලැබෙන්නේ අත්‍යවශ්‍ය සේවා සඳහා මුදල් ගන්න. ආර්ථිකයට මුදල් එකතු කරන්න අවශ්‍ය තීන්දු ගන්න එතුමාට බලය ලැබෙනවා. ඒක පහුගිය දින සීයම කරගන්න බැරි වුණා. මොකද ජනාධිපතිතුමාට මුදල් දෙන්නේ පාර්ලිමේන්තුවෙන්. ඒ පාර්ලිමේන්තුවෙන් දෙන මුදල් අනුමත කරන්නත් ඕනි පාර්ලිමේන්තුවෙන්මයි. ඒ නිසා රට සංවර්ධනය කරන්න ජනාධිපතිතුමාට පාර්ලිමේන්තුවේ බලය අත්‍යවශ්‍යයි.

Related posts

“වනජීවී නිලධාරින්ට කුඩම්මාගේ සැලකිල්ල” ජූලි 17 සහ 18 දීප ව්‍යාප්ත වර්ජනයකට සූදානම් වෙයි

colombotoday

අරගලයෙන් ගාලු මුවදොරට ලක්ෂ 49 ක පාඩුවක්… හානි වුණු තණ කොළ වවන්න ලක්ෂ 47 ½ ක් යයි.

colombotoday

හිජාස් හිස්බුල්ලාගේ ඇප සළකා බැලිම සම්බන්ධයෙන් නීතීපතිගෙන් ප්‍රකාශයක්

colombotoday

බයිපාස් කළ ඇමති රාජිත ආපසු එයි

colombotoday

රු. කෝටියකට අධික අයිස් මත්ද්‍රව්‍ය තොගයක් සමග සැකකරුවෙක් අත්අඩංගුවට

Admin

යහපාලන ආණ්ඩුවත් සොහොන් කණු පසුකරමින් මිනී වලට ඇදෙනවා – දුමින්ද නාගමුව

colombotoday