ඉදිරි පළාත් පාලන මැතිවරණයට කොළඹ මහ නගර සභාව සඳහා දෙමල ප‍්‍රගතිශීලී සන්ධානය වෙනම තරග කරන බව එහි නායක අමාත්‍ය මනෝ ගනේෂන් මහතා අද(20) කොළඹදී පැවසීය.
එක්සත් ජාතික පක්ෂයේ ඇතැම් පිරිස්වල හැසිරීම නිසා එජාපය සමග කළ සාකච්ඡා බිඳ වැටීම හේතුවෙන් මෙම තීරණය ගත් බව ඒ මහතා කියා සිටියේය.
ඒ අනුව කොළඹ මහ නගර සභාව සදහා එකමුතු ප‍්‍රගතිශීලී සන්ධානය ලෙස ඉනිමඟ ලකුණින් තරඟ කිරීමට දෙමල ප‍්‍රගතිශීලී සන්ධානය කටයුතු කරන බවද අමාත්‍ය මනෝ ගනේෂන් මහතා කොළඹ මහවැලි කේන්ද්‍රයේ පැවති මාධ්‍ය හමුවකදී වැඩිදුරටත් කීය.