විද්වත් කමිටු වාර්තාවට අනුව කොරෝනා මළසිරුරු ආදාහනය කිරීමට පියවර ගන්නා බව ඊයේ (7) පාර්ලිමේන්තුවේදී සෞඛ්‍ය ඇමතිනි පවිත්‍රා වන්නිආරච්චි පැවසුවේ පට්ටපල් බොරුවක් බව සමගි ජන බලවේගයේ පාර්ලිමේන්තු මන්ත්‍රී රිෂාඩ් බදුර්දීන් අද (8) පාර්ලිමේන්තුවේදී පැවසීය.
ලෝකයේ රටවල් 190 ක් භූමිදානය කිරීමට ලබා දී ඇති බවත් මෙරට ජීවත්වන ලක්ෂ 20ක මුස්ලිම් ජනතාව රිදවීමට රජය ආදාහනය පමණක් සිදු කරන බවට බදුර්දීන් චෝදනා කර සිටියා.
ලෝකයේ මිලියන දෙක හමාරක් මුස්ලිම් ජනතාව ජීවත්වන බවත් ලෝකයේ මුස්ලිම් රටවල් 55 ක් තිබෙන බවත් ඒ සියල්ල තරහ කරගෙන දිගටම ආදාහනය කලොත් ඒක රටට කරන විනාශයක් බවත් හෙතෙම පැවසීය.